«Ռեալի», «Ինտերի» և Բրազիլիայի հավաքականի նախկին հարձակվող Ռոնալդոն խոսել է այս մրցաշրջանում Ա Սերիայի և Չեմպիոնների լիգայի ֆավորիտների մասին։
«Այս մրցաշրջանում Ա Սերիայում հիանալի չեմպիոնական մրցավազք է։ Կարծում եմ՝ «Ինտերն» ավելի լավ է խաղում, ու, հույս ունեմ, որ նրանք նորից կկարողանան չեմպիոն դառնալ։
Չեմպիոնների լիգայում ֆավորիտ համարում եմ «Ռեալին»»,- Ռոնալդոյի խոսքերն է փոխանցում Football Italia-ն։
Ներկայումս Ա Սերիայի մրցաշարային աղյուսակի առաջատարը «Միլանն» է։ «Ինտերը» երկրորդ տեղում է։
«Ռեալը» ՉԼ 1/4 եզրափակչի առաջին խաղում 3-1 հաշվով հաղթեց «Չելսիին»։ Պատասխան խաղը կկայանա այսօր՝ ապրիլի 12-ին Մադրիդում։
