Աֆրիկայի ազգերի գավաթի խմբային փուլի երկրորդ տուրում մայրցամաքի գործող չեմպիոն Ալժիրը, Հասարակածային Գվինեային չպարտվելու դեպքում, կարող կարող էր կրկնել Իտալիայի հավաքականի ռեկորդային անպարտելի շարքը։
Սակայն ալժիրցիների սենսացիոն պարտությունը վերջ դրեց նրան անպարտելի խաղերի շարքին: Ալժիրը պարտության համը չէր ճաշակել 36 խաղ անընդմեջ: Իտալիայի ռեկորդը կազմում է 37 խաղ:
Աֆրիկայի չեմպիոնները մեկ միավորով E խմբում վերջին տեղում են։
Քանի որ «անապատի աղվեսները» վերջին տուրում հանդիպելու են խմբի առաջատար Կոտ դ’Իվուարի հետ, ապա տիտղոսի համար պայքարը շարունակելու նրանց շանսերը մշուշոտ են թվում:
