«Մանչեսթեր Յունայթեդի» նախկին պաշտպան, իսկ այժմ Sky Sports-ի թղթակից Գարի Նևիլը խոսել է «Լիվերպուլի» ներկայիս խաղի մասին և ասել, թե ինչ է լինելու թիմի հետ առաջիկայում:
«Լիվերպուլը» իսկապես վատն է: Ես նկատի ունեմ, որ նա շատ վատն է ՝ հաշվի առնելով, թե որքան լավն էր նա: Մենք բոլորս սիրում ենք ֆուտբոլի տարբեր ոճեր, և եթե խնդրեք ինձ վերջին երեք տարիներին ընտրություն կատարել «Մանչեսթեր Սիթիի» և «Լիվերպուլի» միջև, ես ընտրելու եմ «Լիվերպուլը»:
Կարմիրները հասան անհավանական բարձունքների: Ընդունելի էր, որ նրանք մի փոքր ձախողվեին, հետո ես նրանց մասին ավելի մեղմ կխոսեի: «Մանչեսթեր Յունայթեդում» մենք չորրորդ տարին նույն կազմով այսպիսի անհաջողություն չէինք ունենա, բայց «Լիվերպուլի» դեպքում դա անհաջողություն չէ, դա պարզապես աղետ է: Այս պահին նրանց համար ամեն ինչ տխուր է ամեն իմաստով:
Համոզված եմ, որ նրանք խուճապի չեն մատնվում, վստահ եմ, որ Յուրգեն Կլոպը փորձ ու որակավորում ունի, և նա գիտի, թե իրեն ինչ է պետք թիմը մրցաշրջանի ավարտին հասցնելու համար: Նրան անհրաժեշտ է մրցաշրջանի ավարտը», — ասել է Նևիլը Sky Sports-ի իր podcast-ում:
Պրեմիեր լիգայում «Լիվերպուլը» սեփական հարկի տակ վեց պարտություն է կրել։ Կիրակի օրը «Ֆուլհեմին» պարտվելուց հետո Անգլիայի գործող չեմպիոնը նահանջեց աղյուսակի 8-րդ հորիզոնական:
