«Վոլվերհեմփթոնի» հարձակվող Ադամա Տրաորեն, ով նախկինում հանդես էր գալիս «Բարսելոնայի» կազմում, նշել է, որ չի բացառում ապագայում «Ռեալի» կազմում խաղալու հնարավորությունը:
«Եթե ստիպված լինեմ տեղափոխվել «Ռեալ», ապա դա կանեմ: Ես ոչ մի դուռ չեմ փակում: «Բարսելոնայի» հետ կապված իրավիճակը թյուրիմացություն է եղել: Եղել է այն․ ինչն ինձ դուր չի եկել, ես նախընտրում եմ այն պահել իմ մեջ: Հակառակ դեպքում, ինչու՞ չվերադառնալ Իսպանիա: Բայց ես խոստացել եմ, որ կդառնամ Անգլիայի առաջնության լավագույններից մեկը», — մեջբերում է ֆուտբոլիստին Traca Marca- ն:
Տրաորեն «Բարսելոնայի» սան է: Նա ընդունվել է Կատալոնիայի ակադեմիա 2004 թվականին, երբ 8 տարեկան էր: 2013-ին հարձակվողը տեղափոխվեց կատալոնական ակումբի երկրորդ թիմ, իսկ 2015-ին՝ «Ասթոն Վիլա»:
