«Արսենալի» հարձակվող Պիեր-Էմերիկ Օբամեյանգը ամենայն հավանականությամբ նոր պայմանագիր կստորագրի «զինագործների» հետ։
Sky Sports-ը, վկայակոչելով Daily Telegraph-ին, գրում է, որ գաբոնցի հարձակվողը մոտ է իր ներկայիս ակումբի հետ պայմանագրի երկարաձգմանը, որն ավարտվում է հաջորդ մրցաշրջանի ավարտին։
Այսպիսով, Օբամեյանգը կարող է վերջ տալ իր անվան շուրջ պտտվող բոլոր խոսակցություններին, որոնց համաձայն՝ նա կարող է հեռանալ «Արսենալից»։
Օբամեյանգը «Արսենալ» է տեղափոխվել 2018 թվականի հունվարին։ Այս ընթացքում նա 54 գոլ է խփել Պրեմիեր լիգայում մասնակցած 85 խաղերում։
