Ժնևում շարունակվում է Laver Cup մրցաշարը։ Կայացել է հերթական հանդիպումը Եվրոպայի և Աշխարհի հավաքականների թենիսիստների միջև։
Այս անգամ միմյանց դեմ մրցում էին Ռաֆայել Նադալը և Միլոշ Ռաոնիչը։ 33-ամյա իսպանացին երկու սեթում հաղթեց Միլոշ Ռաոնիչին 6-3, 7-6(1) հաշվով և ևս երկու միավոր ավելացրեց Եվրոպայի հավաքականի հաշվին։ Ներկա պահին Եվրոպան առջևում է 7-3 հաշվով։
Խաղային օրը դեռևս չի ավարտվել։ Քիչ անց Ռաֆայել Նադալը ևս մեկ անգամ դուրս կգա կորտ։ Այս անգամ նա զուգախաղով Ստեֆանոս Ցիցիպասի հետ մրցելու է Ջեկ Սոկ/Նիկ Կիրիոս զույգի դեմ։
Ավելի վաղ այսօր Ալեքսանդր Զվերևը պարտվել էր Ջոն Իզներին, իսկ Ռոջեր Ֆեդերերը հաղթել էր Նիկ Կիրիոսին։