«Արարատը» պայմանագրեր է կնքել կիսապաշտպան Էդգար Մալաքյանի և դարպասապահ Վսևոլոդ Երմակովի հետ: Այս մասին հայտնում է երևանյան ակումբի մամուլի քարտուղարությունը:
Երկու ֆուտբոլիստներն էլ «Արարատ» են տեղափոխվել Գյումրու «Շիրակից»:
Մալաքյանը կարիերայի ընթացքում հանդես է եկել «Ժետիսու», «Պետրոլուլ», «Ստալ», «Վիկտորի Պլզեն», «Չեսկե Բուդեյովիցե» ակումբներում, իսկ Բարձրագույն խմբում պաշտպանել է «Ալաշկերտի», «Բանանցի» (այժմ «Ուրարտու») և «Փյունիկի» գույները: Հայաստանի ազգային հավաքականում անցկացրել է մեկ տասնյակից ավելի հանդիպում:
Երմակովը ռուսասկան «Կրասնոդարի» սան է: Հանդես է եկել «Կրասնոդարի» երկրորդ թիմում, ինչպես նաև «Տորպեդո Արմավիրում»: