«Բավարիայի» հարձակվող Ռոբերտ Լևանդովսկին ամրապնդվել է առաջին տեղում «Ոսկե խաղակոշիկի» հավակնորդների վարկանիշում՝ գլխավորելով մրցաշրջանի լավագույն ռմբարկուների ցուցակը ներքին լիգաների առաջնություններում: 31-ամյա լեհի հաշվին 30 գոլ է, ինչը նրան տալիս է 60 վարկանիշային միավոր:
Առաջատարների հնգյակը չի փոխվել: Այս խաղացողներից հունիսի սկզբից միայն Հոլանդին է հաջողվել բարելավել իր գոլերի քանակը՝ խփելով հաղթական գոլը Գերմանիայի առաջնության 31-րդ տուրի «Ֆորտունայի» հետ խաղում (0-1):
Վերջին 2 շաբաթների ընթացքում դասակարգման միակ փոփոխությունը ավստրիական «Վոլսֆսբերգերի» հարձակվող Շոն Վայսմանի հայտնվելն է այդ ցուցակում: 25 գոլով և 37,5 միավորով նա զբաղեցնում է 8-րդ տեղը:
«Ոսկե խաղակոշիկի» հավակնորդների ներկայիս ցուցակը հետևյալն է.
- Ռոբերտ Լևանդովսկի («Բավարիա», 29 գոլ × 2.0 = 58 միավոր);
- Չիրո Իմոբիլե («Լացիո», 27 × 2.0 = 54);
- Տիմո Վերներ («ՌԲ Լայպցիգ» , 25 × 2.0 = 50);
- Էրլինգ Հոլանդ ( «ՌԲ Զալցբուրգ» /«Բորուսիա» – 16 × 1,5 + 11 × 2.0 = 46);
- Կրիշտիանու Ռոնալդու («Յուվենտուս», 21 × 2.0 = 42);
- Լիոնել Մեսսի («Բարսելոնա», 19 × 2.0 = 38);
- Ջեյմի Վարդի ( «Լեսթեր» , 19 × 2.0 = 38);
- Շոն Վայսման ( «Վոլֆսբերգեր» , 25 × 1․5 = 37)
- Կիլիան Մբապե (ՊՍԺ, 18 × 2.0 = 36);
- Վիսամ Բեն-Յեդեր («Մոնակո», 18 × 2.0 = 36);
Վարկանիշում միավոր վաստակելու համակարգը իրականացվում է հետևյալ բանաձևի համաձայն. խփած գոլերի քանակը բազմապատկվում է առաջնության ներուժին համապատասխան գործակիցով: Ամենաբարձր ցուցանիշներն ունեն Անգլիայի, Իսպանիայի, Իտալիայի, Ֆրանսիայի և Գերմանիայի առաջնությունները ՝ 2․0: Իսկ օրինակ Ավստրիայի առաջնությունն ունի 1,5 գործակից, այդ իսկ պատճառով Հոլանդը մրցաշրջանի առաջին հատվածում «ՌԲ Զալցբուրգի» կազմում խփած 16 գոլերի համար ստացել է 24 միավոր (16 x 1,5):
