Մարմնամարզության աշխարհի եռակի չեմպիոն Ռուսաստանը ներկայացնող Արթուր Դալալոյանը խոսել է ֆուտբոլի հանդեպ իր վերաբերմունքի և իր նախընտրած ֆուտբոլիստների մասին:
«Երբ ես խաղում էի բակում, ինձ միշտ անվանում էին Ռոնալդու: Ես չգիտեմ, հավանաբար, նման եմ … Բայց ես ամենից փոքրն էի:
«Կարծում եմ, որ Կրիշտիանու Ռոնալդուն աշխարհի լավագույն ֆուտբոլիստն է: Այն պատճառով, թե նա ինչպես է կազմում իր գրաֆիկը և պատրաստվում է հանդիպումների: Ռուսաստանցի խաղացողներից ես կնշեմ Ակինֆեևին: Ես մեծացել նրա խաղի ներքո: Երբ ես նայում եմ նրան, նա ինձ ամենից շատ է հույզեր պարգևում»:
Այն հարցին, մտածել է նա երբևէ ֆուտբոլի՞ստ դառնալու մասին, ինչպես նաև վերաբերմունքը ֆուտբոլիստների բարձր աշխատավարձերին, Դալալոյանը պատասխանել է․
«Երբեք չեմ մտածել այդ մասին։ Բայց ես երազում եմ խաղալ «Ռեալի» կազմում: Բարձր աշխատավարձերը․ դա ինձ համար այնքան էլ կարևոր չէ: Երբ հեշտությամբ եք ստանում ինչ-որ բան, միշտ չէ, որ դա լավ է ավարտվում: Ես կյանքի իրական դասեր ստացա, երբ շատ քրտինք թափեցի: Եթե ես լինեի ֆուտբոլիստ և իմ 24 տարեկան հասակում ստանայի շատ փող… Միգուցե լավ կլիներ, բայց ես գերադասում եմ իմ կյանքը», — մեջբերում է Դալալոյանին Спорт день за днем-ը։
