Նիդերլանդական «Ֆեյենորդի» գլխավոր մարզիչ Ջովանի վան Բրոնկխորստը մեկնաբանել է Չեմպիոնների լիգայի խաղարկության լիգայի փուլի առաջին տուրում կատալոնական «Բարսելոնայից» կրած ջախջախիչ պարտությունը (1-5)։
«Կարծում եմ՝ մենք խաղում էինք տվյալ պահին աշխարհի լավագույն թիմի դեմ։ Փորձեցինք ցուցադրել մեր ֆուտբոլը և պարզապես չնահանջեցինք դեպի մեր դարպասը։ Այս մասին ինձ ասաց նաև Հանսի Ֆլիկը, երբ շնորհավորում էի նրան հաղթանակի կապակցությամբ։ Մենք շատ արագ գոլ բաց թողեցինք՝ արդեն 3-րդ րոպեին, բայց, ի վերջո, փորձեցինք խաղալ մեր խաղը»,- հոլանդացի մասնագետի խոսքերը մեջբերում է RTL-ը։
Վան Բրոնկխորստը նաև քննադատել է իր խաղացողների գործողությունները պաշտպանությունում.
«Մի քանի գոլ բաց թողեցինք սեփական կոպիտ սխալների պատճառով։ Առաջին գոլի դրվագում մենք հետևողական չգտնվեցինք մրցակցի նկատմամբ, իսկ տուգանայինի խաղարկումից հետո էլ գնդակն անցավ մեր կենդանի պատի միջով։ Բայց ժամանակ առ ժամանակ մենք լավ էինք գործում՝ չնայած գործադրվող ճնշմանը։ Հայտացուցակում ընդգրկված իմ 18 ֆուտբոլիստների համար սա առաջին հանդիպումն էր Չեմպիոնների լիգայում։ Նրանք պետք է դասեր քաղեն այս փորձից»։
Նշենք, որ Չեմպիոնների լիգայի հաջորդ տուրում «Ֆեյենորդը» կմրցի իտալական «Կոմոյի», իսկ «Բարսելոնան» ուժերը կչափի թուրքական «Գալաթասարայի» հետ։
