Ամառային տրանսֆերային պատուհանը մոտենում է, և ակումբներն արդեն ծրագրեր են կազմում։ Ինչպես հաղորդում է TEAMtalk-ը, «Բավարիան» հետևում է «Մանչեսթեր Սիթիի» հարձակվողական ոճի կիսապաշտպան Ֆիլ Ֆոդենի շուրջ ստեղծված իրավիճակին։
Աղբյուրի տեղեկություններով՝ անգլիացի ֆուտբոլիստի խաղը շատ է դուր գալիս մյունխենցիների գլխավոր մարզիչ Վենսան Կոմպանիին։
Միևնույն ժամանակ, «Մանչեսթեր Սիթին» բարձր է գնահատում իր սանին և ցանկանում է երկարաձգել նրա պայմանագիրը։ Հավաքականների խաղերով պայմանավորված դադարի ընթացքում «քաղաքայինները» բանակցություններ են վարել ֆուտբոլիստի հետ և լավատեսորեն են տրամադրված այս հարցում։
Գարնան վերջին Ֆիլ Ֆոդենը կդառնա 26 տարեկան։ Նրա գործող պայմանագրի ժամկետը ուժի մեջ է մինչև 2026/27 մրցաշրջանի ավարտը։ Transfermarkt-ը Ֆոդենի տրանսֆերային արժեքը գնահատում է 80 միլիոն եվրո։
