Սենեգալի ֆուտբոլի ֆեդերացիան մտադիր է դիմել Մարզական արբիտրաժային դատարան (CAS)՝ բողոքարկելու Աֆրիկայի 2026 թվականի գավաթի խաղարկությունում Մարոկկոյի հավաքականին հաղթանակ շնորհելու Աֆրիկյան ֆուտբոլի կոնֆեդերացիայի (CAF) որոշումը։
Պաշտոնական հայտարարության մեջ Սենեգալի ֆեդերացիան դատապարտել է այս «անարդար որոշումը»՝ ընդգծելով, որ մտադիր է «պաշտպանել սենեգալյան ֆուտբոլի իրավունքները բոլոր հասանելի օրինական միջոցներով»։
Նախօրեին Աֆրիկյան ֆուտբոլի կոնֆեդերացիան բավարարել էր Մարոկկոյի բողոքարկումը և Սենեգալի հավաքականին տեխնիկական պարտություն (0:3) գրանցել եզրափակիչ խաղում։
Պատճառն այն էր, որ հանդիպման հիմնական ժամանակին ավելացված 98-րդ րոպեին Բրահիմ Դիասի նկատմամբ կանոնների խախտման համար նշանակված 11-մետրանոցից հետո սենեգալցի ֆուտբոլիստները լքել էին խաղադաշտը։
Խաղը վերսկսվել էր միայն 13 րոպե անց, ինչից հետո Բրահիմը չէր կարողացել անվրեպ իրացնել հարվածը։
Բուն հանդիպումն ավարտվել էր Սենեգալի հավաքականի հաղթանակով՝ 1:0 հաշվով, սակայն կաբինետային որոշումից հետո արդյունքը չեղարկվել է։
