Ինձ ավելի շատ ճնշում էր ոչ այնքան վարակակիր լինելու փաստը, այլ՝ ինչ-որ մեկին վարակելու ներշնչանքը։ Այս մասին ֆեյսբուքի իր էջում կատարած գրառմամբ ընդգծել է Հայաստանի բռնցքամարտի հավաքականի անդամ, Եվրոպայի չեմպիոն, աշխարհի առաջնության բրոնզե մեդալակիր Հովհաննես Բաչկովը, որը վերջերս է ապաքինվել կորոնավիրուսից:
27-ամյա մարզիկը նաև ընդգծել է՝ չի վարակել ոչ ընտանիքի անդամներին, ոչ էլ նրանց, ում հետ շփվել է Լոնդոնում: Չվարակելու փաստը զարմացրել է Բաչկովին.
«Ընդամենը երկու օր եմ զգացել վիրուսի ներկայությունը օրգանիզմումս, որն էլ կապում էի մրսածության հետ։ Ջերմություն, թեթև հազ, քթի խոռոչների փակվածություն, դող. սրանք էին հիմնական ախտանշանները։
Ինձ ավելի շատ ճնշում էր ոչ այնքան վարակակիր լինելու փաստը,այլ՝ ինչ-որ մեկին վարակելու ներշնչանքը։
Լինելով հոգեբանորեն հավասարակշռված անձնավորություն՝ կարողացա տիրապետել ներշնչանքը։ Հուրախություն բոլորիս՝ չէի վարակել ընտանիքիս անդամներից ոչ մեկին։ Չէի վարակել նաև նրանց,ում հետ շփվել էի Լոնդոնում։Չվարակելու փաստը ինձ զարմացրեց»,- գրել է Բաչկովն ու նշել՝ արդեն իրեն շատ լավ է զգում, սկսել է անհատական մարզումները.
«Այսօր ես ինձ շատ լավ եմ զգում, անցել եմ բնականոն կյանքի,սկսել եմ անհատական մարզումներս։
Посмотреть эту публикацию в InstagramԵրկարաժամկետ դադարից հետո կամաց-կամաց սկսում ենք մարզումները։🥊💪#Bachkov#BachkovHovhannes
Իմ սիրելի հայրենակիցներին հորդորում եմ մնալ տանը,խուճապի չմատնվել,սթափ լինել և լավ սնվել։Ինչ էլ լինի (Держите удар)»,- եզրափակել է իր խոսքը Բաչկովը:
Հիշեցնենք՝ Բաչկովի մոտ կորոնավիրուս էր հայտնաբերվել Լոնդոնի օլիմպիական վարկանիշային մրցաշարից վերադառնալուց հետո:
Ավելի վաղ հայտնի էր դարձել, որ կորոնավիրուս է հայտնաբերվել նաև Հայաստանի պատվիրակության հետ Լոնդոն մեկնած, բայց պատվիրակության անդամ չհանդիսացող և ֆեդերացիայի կողմից չհաստատված անձանց մոտ:
