Մադրիդի «Ռեալի» ուկրաինացի դարպասապահ Անդրեյ Լունինը պատրաստվում է կարիերան շարունակել այլ ակումբում։ Ինչպես հայտնում է El Nacional-ը, 26-ամյա ֆուտբոլիստն այլևս չի ցանկանում հաշտվել պահեստայինի դերի հետ, որը նա ստիպված է ստանձնել Տիբո Կուրտուայի առողջ լինելու դեպքում։
Ընթացիկ մրցաշրջանում Լունինը գրեթե զրկված է եղել խաղալու հնարավորությունից։ Վերջերս Իսպանիայի գավաթի խաղարկությունում «Տալավերայի» դեմ հանդիպման ընթացքում նա փայլեց վերջին րոպեներին կատարած սեյվով՝ օգնելով թիմին հաղթանակ տանել, սակայն խաղային պրակտիկայի բացակայությունը վճռորոշ է դարձել նրա որոշման հարցում։
Դարպասապահն արդեն տեղեկացրել է իր մտադրությունների մասին ակումբի ղեկավարությանը, այդ թվում՝ նախագահ Ֆլորենտինո Պերեսին և գլխավոր մարզիչ Խաբի Ալոնսոյին։ Այժմ Լունինն ակտիվորեն նոր թիմ է փնտրում, որտեղ կունենա հիմնական դարպասապահի կարգավիճակ և կստանա առավելագույն խաղաժամանակ։
Լունինը մադրիդյան գրանդի գույները պաշտպանում է 2018 թվականից։ Իր կարիերայի ընթացքում նա հանդես է եկել նաև ուկրաինական «Դնեպրում» և «Զարյայում», ինչպես նաև վարձավճարով խաղացել է իսպանական «Լեգանեսում», «Վալյադոլիդում» և «Օվիեդոյում»։
