Լեգենդար անգլիացի նախկին հարձակվող Մայքլ Օուենը կիսվել է իր մտքերով «Բավարիայի» հարձակվող Հարի Քեյնի մասին։ «Տոտենհեմի» նախկին աստղը Գերմանիայում արդեն անցկացնում է իր երրորդ մրցաշրջանը․ տեղափոխությունը կայացել էր 2023 թվականի ամռանը։
«Քեյնը հիանալի խաղացող է, նա հրաշալի է եզրափակում գրոհները, բայց ես մինչ օրս չեմ հասկանում նրա որոշումը՝ տեղափոխվել Գերմանիա։ Նա մոտ էր դառնալու Պրեմիեր լիգայի պատմության լավագույն ռմբարկուն։ Նրա երեխաներն այդ պահին արդեն դպրոց էին գնում, և հանկարծ նա որոշեց տեղափոխվել։ Ես դա չեմ հասկանում։
Նույն հաջողությամբ նա կարող էր միանալ «Սելտիկին» և ամեն տարի նվաճել չեմպիոնի տիտղոսը, բայց այդտեղ ոչ մի բացառիկ բան չկա։ Իրականում բացառիկ ձեռքբերում կլիներ դառնալ Պրեմիեր լիգայի բոլոր ժամանակների լավագույն ռմբարկուն։ Բայց ես միևնույն է երկրպագում եմ Հարիին և տարիներ շարունակ հիանում եմ նրա խաղով», – ասել է Օուենը Ռիո Ֆերդինանդի փոդքաստում։
Նշենք, որ Հարի Քեյնը Պրեմիեր լիգայի բոլոր ժամանակների ռմբարկուների ցուցակում երկրորդ տեղում է՝ խփած 213 գոլով և զիջում է միայն Ալան Շիրերին (260):
