«Մանչեսթեր Յունայթեդի» նախկին հարձակվող Դիմիտար Բերբատովը կիսվել է հիշողություններով այն ժամանակների մասին, երբ խաղում էր անգլիական ակումբում Կրիշտիանու Ռոնալդուի հետ։ Բուլղարացի հարձակվողը հանդես է եկել «կարմիր սատանաների» կազմում 2008-ից 2012 թվականներին։
«Կրիշտիանուի հետ մարզումները նման էին պատերազմի։ Նա մտածում էր միայն հաղթանակի մասին՝ ամեն ինչում, նույնիսկ մարզումների ժամանակ անցկացվող ընկերական խաղերում։ Երբ գալիս էիր մարզման, նա արդեն դահլիճում էր։ Մարզումից հետո մնում էր լրացուցիչ աշխատելու, գոլեր խփելու։ Հետո գնում էր լողավազան, ապա նորից վերադառնում դահլիճ։ Նա վճռական էր դառնալ լավագույնը», — Բերբատովի խոսքերն է փոխանցում ESPN-ը։
Կրիշտիանու Ռոնալդուն «Մանչեսթեր Յունայթեդ» էր տեղափոխվել պորտուգալական «Սպորտինգից» 2003 թվականի օգոստոսին, իսկ 2009-ի ամռանը տեղափոխվել է Մադրիդի «Ռեալ»։ Անգլիական ակումբի կազմում նա նվաճել է իր առաջին «Ոսկե գնդակը» 2008 թվականին։
