Իտալիայի ամենահին ակումբներից մեկը՝ «Բրեշիան», 114 տարվա պատմության մեջ առաջին անգամ կորցրել է պրոֆեսիոնալ ակումբի կարգավիճակը և պաշտոնապես հեռացվել է երկրի պրոֆեսիոնալ ֆուտբոլային լիգաներից։
Ավելի վաղ հաղորդվել էր, որ ակումբի սեփականատեր Մասիմո Չելինոն հրաժարվել է ակումբի հաշվին փոխանցել 3 միլիոն եվրո՝ աշխատակիցների աշխատավարձերի պարտքը մարելու համար։ Արդյունքում, թիմը սնանկ է ճանաչվել և կանցնի սիրողական լիգա։
Իտալիայի ֆուտբոլի ֆեդերացիան պաշտոնապես հաստատել է, որ «Բրեշիան» չի ստացել Սերիա C-ին մասնակցելու լիցենզիա 2025/26 մրցաշրջանի համար։
Ֆեդերացիայի մամուլի հաղորդագրության մեջ ակումբի խնդիրների թվում նշվում են՝
- լիգային 2024 թվականի հունվարին վճարման ենթակա 1.1 միլիոն եվրոյի պարտքի չվճարումը
- 2025 թվականի մարտ և ապրիլ ամիսների աշխատավարձերի չվճարումը թիմի խաղացողների, մարզիչների և աշխատակազմի համար
- ինչպես նաև մի շարք այլ ֆինանսական և վարչական թերություններ
Նշենք, որ «Բրեշիան» նախորդ մրցաշրջանի ավարտին դուրս մնաց Սերիա Բ-ից։ 1911 թվականին հիմնադրված ակումբը ընդհանուր առմամբ 23 մրցաշրջան անցկացրել է Սերիա Ա-ում։ Վերջին անգամ բարձրագույն դիվիզիոնում թիմը հանդես է եկել 2019/20 մրցաշրջանում։
