Հայ ֆուտբոլիստների նոր թիմերը, անգլիական ակումբների նորեկները․ Տրանսֆերային անցուդարձ

Առաջարկում ենք ծանոթանալ օրերս կայացած մի շարք կարևոր տրանսֆերներին ձմեռային տրանսֆերային պատուհանի ընթացքում։

✅ Հայաստանի ազգային հավաքականի կիսապաշտպան Ժիրայր Շաղոյանը երկկողմանի համաձայնությամբ լքել է հունգարական «Դեբրեցենը» և վերադարձել հայրենիք՝ միանալով «Արարատ-Արմենիային»։ Այս մասին տեղեկացնում է ակումբի մամուլի ծառայությունը։ 23-ամյա ֆուտբոլիստը հանդես էր գալիս «Դեբրեցենում» վարձակալական հիմունքներով։

✅ 19-ամյա կիսապաշտպան Վադիմ Հարությունյանը պայմանագիր է ստորագրել Մոսկվայի «Լոկոմոտիվի» հետ: Նշվում է, որ ֆուտբոլիստի հետ համաձայնագիրը ուժի մեջ կլինի մինչև մյուս տարվա ամառ: Հարությունյանը վարձակալությամբ կվերադառնա Ձերժինսկի «Արսենալ»: «Նա «Լոկոմոտիվի» ակադեմիայի սան է:

✅ Կիսապաշտպան Պավել Գորելովը ԿԱՄԱԶ ՖԱ-ից տեղափոխվել է «Չեռնոմորեց», հայտնում է ակումբի պաշտոնական կայքը։ Գորելովը նոր ակումբի հետ կնքել է 2,5 տարվա պայմանագիր։ Ըստ Transfermarkt-ի՝ տրանսֆերի արժեքը կազմել է 140 հազար եվրո։ Ֆուտբոլիստի տրանսֆերային արժեքը գնահատվում է 600 հազար եվրո։ Հայաստանի Մ19 հավաքականի կազմում անցկացրել է 2 հանդիպում, Հայաստանի երիտասարդական հավաքականում՝ մեկ հանդիպում։

✅ 27-ամյա կենտրոնական պաշտպան Էմանուել Ագբադուն «Ռեյմսից» տեղափոխվել է «Վուլվերհեմփթոն»: Տրանսֆերի արժեքը կազմել է 18 մլն եվրո, ևս 2 մլն նախատեսված է որպես բոնուս։ Պայմանագիրը նախատեսված է մինչև 2029 թվականի ամառ։ Ագբադուն Կոտ դ’Իվուարի հավաքականի ֆուտբոլիստ է:

✅ Ռոբին վան Պերսիի որդին՝ Շաքիլ վան Պերսին, ստորագրել է իր առաջին պրոֆեսիոնալ պայմանագիրը։ Վան Պերսի կրտսերը «Ֆեյենորդի» ակադեմիայի սան է։ Նիդերլանդական ակումբը, չսպասելով նրա գործող պայմանագրի ժամկետի ավարտին, առաջարկել է բարելավված պրոֆեսիոնալ պայմանագիր 18-ամյա ֆուտբոլիստին, հայտնում է ակումբի պաշտոնական կայքը։

✅ Իտալական «Պարման» պայմանագիր է կնքել նորվեգական «Մյոլդեի» ձախ պաշտպան Մատիաս Լովիկի հետ։ Նորվեգիայի երիտասարդական հավաքականի ֆուտբոլիստը 4,5 տարվա պայմանագիր է կնքել նոր ակումբի հետ։ 21-ամյա ֆուտբոլիստի տրանսֆերի դիմաց «Պարման» վճարել է 6 մլն եվրո։

✅ Դանիայի հավաքականի վինգեր Յակուբ Բրուն Լարսենը «Հոֆենհայմից» տեղափոխվել է գերմանական մեկ այլ ակումբ։ «Շտուտգարտը» հայտարարել է ֆուտբոլիստի հետ երկու տարվա պայմանագիր կնքելու մասին։ Տրանսֆերի արժեքը կազմել է 1,7 մլն եվրո։ Իր կարիերայի ընթացքում Յակուբը հանդես է եկել նաև «Բարնլիում», «Անդերլեխտում», ինչպես նաև նույն «Շտուտգարտում»։ Նա Դորտմունդի «Բորուսիայի» սան է։ Լարսենը Դանիայի հավաքականի կազմում անցկացրել է 7 հանդիպում՝ դառնալով մեկ գոլի հեղինակ։

✅ «Ռոմայի» ֆրանսիացի կիսապաշտպան Էնցո Լե Ֆեն վարձավճարով տեղափոխվել է անգլիական «Սանդերլենդ»։

✅ Մեքսիկայի հավաքականի վինգեր Սեսար Հուերտան «Պումասից» տեղափոխվել է «Անդերլեխտ»․ տրանսֆերի արժեքը՝ 2 մլն եվրո։

✅ «Վալենսիենի» ֆրանսիացի պաշտպան Յոակիմ Կայի Սանդան տեղափոխվել է անգլիական «Սաութհեմփթոն»․ տրանսֆերի արժեքը՝ 5 մլն եվրո։

Շարքի նախորդ մասերը՝

➡️ Սելարայանի նոր թիմը, Ա Սերիայի ակումբի ռեկորդը, դարպասապահների տեղափոխություններ Եվրոպայում

➡️ Ադամյանը փոխել է ակումբային գրանցումը, Տոտենհեմի նոր դարպասապահը, Գաբիգոլը նոր ակումբ ունի