Մադրիդի «Ռեալի» կիսապաշտպան Դանի Սեբալյոսը, որը վարձակալությամբ հանդես է գալիս Լոնդոնի «Արսենալում», ամռանը կարող է վերադառնալ Իսպանիա։
Marca-ի տեղեկություններով՝ «արքայական» ակումբը կարող է ևս մեկ տարով վարձակալությամբ այլ ակումբի տալ Սեբալյոսին։ Աղբյուրի տեղեկություններով՝ այդ ակումբը կարող է լինել «Բետիսը», որտեղից էլ Սեբալյոսը 2017-ի ամռանը տեղափոխվել է «Ռեալ»։
Նշվում է, որ իսպանացի կիսապաշտպանին ձեռք բերելու համար պայքարելու է նաև «Վալենսիան»։
Դանի Սեբալյոսը չի մտնում Մադրիդի «Ռեալի» գլխավոր մարզիչ Զինեդին Զիդանի ծրագրերի մեջ։
