«Չելսիի» պորտուգալացի հարձակվող Ժոաու Ֆելիքսի և մոդել Մարգարիտա Կորսեյրոյի հարաբերությունները միշտ եղել են դրամաներով լեցուն, նշում է Daily Star-ը։ Աղջկան բազմիցս նկատել են այլ տղամարդկանց հետ, երբ նա հանդիպում էր պորտուգալացի աստղի հետ:
2023 թվականին սկանդալ բռնկվեց մի տեսանյութի շուրջ, որում Կորսեյրոն շատ ջերմ շփվում էր «Տոտենհեմի» ներկայիս խաղացող Պեդրո Պորոյի հետ։ Այս սկանդալից անմիջապես հետո նա և Ժուան բաժանվեցին, չնայած Մարգարիտան հերքում էր Պորոյի հետ որևէ հարաբերություն:
«Ես Պորրոյին հանդիպեցի մի քանի ամիս առաջ, բոլորովին անսպասելիորեն, խմբակային ընթրիքի ժամանակ: Այդ ընթացքում մենք հիանալի ժամանակ ենք անցկացրել և մինչ օրս մենք շատ լավ ընկերներ ենք»,- ասել է Կորսեյրոն:
Ֆելիքսից բաժանվելուց անմիջապես հետո աղջկան նկատեցին Ֆորմուլա 1-ի աստղ Լանդո Նորիսի հետ Մոնակոյի Գրան Պրիում։ Բայց այս զույգի հարաբերությունները երկար չտևեցին․ արդեն այս տարվա ամռանը Նորիսը հաստատեց, որ նա լիովին ազատ է։
Հիշեցնենք, որ Ֆելիքսին «Չելսին» գնել է Մադրիդի «Ատլետիկոյից» 45,5 միլիոն ֆունտով 2024 թվականի ամռանը։ Սա պորտուգալացու երկրորդ ժամանումն է անգլիական ակումբ՝ 2023-ին վեցամսյա վարձակալությունից հետո:
