Հուլիսի 15-ին նախամրցաշրջանային ընկերական հանդիպում է կայացել Ա Սերիայի նորեկ «Կոմոյի» և անգլիական «ՌՎուլվերհեմփթոնի» միջև։ Խաղն ավարտվել է գայլերի հաղթանակով՝ 1։0 հաշվով։ Խաղի ընթացքում խաղադաշտում ռասիստական սկանդալ է տեղի ունեցել իտալական ակումբի խաղացողներից մեկի և «Վուլվերհեմփթոնի» հարձակվող Հվանգ Հի Չանի մասնակցությամբ։
«Կոմոյի» պաշտպանը, որի անունը չի հրապարակվում, իբր, ռասիստական մեկնաբանություն է արել հարավկորեացի հարձակվողի հասցեին։ Ավելի ուշ այս փաստի վերաբերյալ իտալական ակումբը հանդես է եկել պաշտոնական հայտարարությամբ։
«Մեր ակումբը չի հանդուրժում ռասիզմը և խստորեն դատապարտում է դրա բոլոր դրսևորումները: Խոսել ենք այդ պաշտպանի հետ հասկանալու համար, թե ինչ է ասվել։ Նա մեզ հետ զրույցում ասաց, որ իր խաղընկերոջ հասցեին հնչեցրած մեկնաբանությունն էր. «Անտեսիր նրան, նա կարծում է, թե Ջեկի Չանն է»։
Մեր խաղացողի հետ մանրամասն զրույցից հետո, մենք վստահ ենք, որ խոսքը խաղացողի անվան և խաղադաշտում նրա թիմակիցների կողմից խաղացողին՝ որպես Չանի, անընդհատ հիշատակումների մասին էր:
Ինչ վերաբերում է մեր ակումբին, ապա մեր խաղացողը նվաստացուցիչ ոչինչ չի ասել։ Մենք հիասթափված ենք, որ «Վուլվերհեմփթոնի» որոշ խաղացողների արձագանքը հանգեցրել է միջադեպի ուռճացմանը», — ասվում է ակումբի հայտարարության մեջ X (նախկին Twitter) սոցցանցում։
