«Բարսելոնայի» գլխավոր մարզիչ Չավին խոսել է իր թիմի՝ հանգստյան օրերին «Սելտայի» հետ անցկացրած խաղի մասին, որում կապտանռնագույնները 3։2 հաշվով հաղթանակ են տարել։
«Անկախ նրանից, թե ինչ է անում «Ռեալը», մենք առաջատար ենք դարձել: Եվ բացի այդ, թարմացումը պայմանավորված է ակումբի վստահությամբ, ես հիացած եմ, լավ հանգստյան օր էր, դա պարզ է»,- Չավիի խոսքերն է մեջբերում Mundo Deportivo-ն:
Այս պահին «Բարսելոնան» վեց խաղից հետո 16 միավորով գլխավորում է Լա Լիգայի մրցաշարային աղյուսակը։ Կատալոնացիները Չեմպիոնների լիգայի խմբային փուլի մեկնարկային խաղում էլ 5։0 հաշվով հաղթանակ են տարել բելգիական «Անտվերպենի» նկատմամբ։
Չավին «Բարսելոնայի» գլխավոր մարզիչ է դարձել 2021 թվականի նոյեմբերին։ Այս ընթացքում թիմն իսպանացու գլխավորությամբ մեկ անգամ հաղթել է Լա Լիգայում, մեկ անգամ նվաճել Իսպանիայի Սուպերգավաթը, մեկ անգամ էլ արժանացել է առաջնության արծաթե մեդալներին:
