Եվրոպական մրցաշարերի խմբային փուլն ավարտվել է և այսօր՝ նոյեմբերի 7-ին կկայանա Չեմպիոնների լիգայի, Եվրոպա լիգայի և Կոնֆերենցիաների լիգայի վիճակահանությունը, որը կկայանա ՈւԵՖԱ-ի շտաբ-բնակարանում՝ Նիոնում (Շվեյցարիա):
Երևանի ժամանակով 15:00-ին կմեկնարկի Չեմպիոնների լիգայի 1/8 եզրափակչի վիճակահանությունը։ Խմբերում վեց տուրից հետո թիմերը ավանդաբար բաժանվում են երկու զամբյուղի․
Առաջին տեղով դուրս եկած թիմեր․
«Բավարիա» (Գերմանիա), «Բենֆիկա», «Պորտու» (երկուսն էլ՝ Պորտուգալիա), «Մանչեսթեր Սիթի», «Տոտենհեմ», «Չելսի» (բոլորը՝ Անգլիա), «Նապոլի» (Իտալիա), «Ռեալ Մադրիդ» (Իսպանիա):
Երկրորդ տեղով դուրս եկած թիմեր․
«Այնտրախտ», «Բորուսիա Դ․», «ՌԲ Լայպցիգ» (բոլորը՝ Գերմանիա), «Բրյուգե» (Բելգիա), «Ինտեր», «Միլան» (երկուսն էլ՝ Իտալիա), «Լիվերպուլ» (Անգլիա), ՊՍԺ (Ֆրանսիա):
Երևանի ժամանակով 16:00-ին մեկնարկում է Եվրոպա լիգայի փլեյ-օֆֆի փուլի վիճակահանությունը։
Այս փուլում խմբերում երկրորդ տեղերը զբաղեցրած թիմերը կհանդիպեն ՉԼ-ի խմբային փուլում երրորդ տեղերը զբաղեցրած թիմերի հետ։ Կլինի երկու զամբյուղ։
Առաջին զամբյուղ․ «Մանչեսթեր Յունայթեդ» (Անգլիա), «Միդտյուլանդ» (Դանիա), «Մոնակո», «Նանտ», «Ռեն» (ամբողջ Ֆրանսիա), ՊՍՎ (Հոլանդիա), «Ռոմա» (Իտալիա), «Յունիոն» (Գերմանիա):
Երկրորդ զամբյուղ․ «Այաքս» (Հոլանդիա), «Բայեր» (Գերմանիա), «Բարսելոնա», «Սևիլիա» (երկուսն էլ՝ Իսպանիա), «Ռեդ Բուլ Զալցբուրգ» (Ավստրիա), «Սպորտինգ» (Պորտուգալիա), «Շախտյոր» (Ուկրաինա), «Յուվենտուս» (Իտալիա):
ԵԼ խմբային փուլում առաջին տեղ զբաղեցրած թիմերը հանդես կգան փլեյ-օֆֆի 1/8 եզրափակչում։ Այս թիմերը կհանդիպեն փլեյ-օֆիի նախնական փուլը հաղթահարած թիմերի հետ (այսօր հենց այդ փուլի վիճակահանությունն է)։
Նշենք, որ նույն երկրի ներկայացուցիչները չեն կարող հանդիպել փլեյ-օֆֆի այս փուլում։