Իտալիայի Մ21 հավաքականի գլխավոր մարզիչ Պաոլո Նիկոլատոն Հայաստանի Մ21 հավաքականի հետ անցկացրած խաղից ու դժվարին հաղթանակից հետո նշեց, որ լավ էին ուսումնասիրել մեր ընտրանուն ու սպասում էին այսպիսի խաղի․
«Հայաստանի Մ21 հավաքականի խաղը մեզ չզարմացրեց, սպասում էինք, որ այսպիսի աշխույժ թիմ է լինելու, տեխնիկապես լավ զարգացած։ Տեսանք այն, ինչ սպասում էինք։ Ծրագրել էինք ագրեսիվ խաղալ ու գոլային շատ պահեր ստեղծել, ինչը կարողացանք անել։ Հայաստանի Մ21 հավաքականի հակագրոհների ժամանակ մենք թերացանք, ու դրանում մեծ էր նաև հայերի դերը։
Դիտել ենք այս մրցափուլում Հայաստանի Մ21 հավաքականի բոլոր խաղերը։ Կարող եմ ասել, որ Հայաստանի խաղում երևում է մարզչի ձեռագիրը։ Որակական առումով առաջընթաց երևում է։ Հայաստանի Մ21 հավաքականը կարող է խնդիրներ պատճառել խմբի մյուս թիմերին»,- ասել է իտալացի մասնագետը հայ լրագրողների հետ հանդիպման ժամանակ։
