«Բարսելոնան» այս ամառ ցանկանում է ձեռք բերել «Չելսիի» երկու եզրային պաշտպաններին:
Ինչպես տեղեկացնում է Diario Sport-ը, կատալոնական ակումբը հետաքրքրված է աջ պաշտպան Սեզար Ասպիլիկուետային և ձախ պաշտպան Մարկոս Ալոնսոյին հրավիրելու հարցում։ «Չելսին» ցանկանում է փոխհատուցում ստանալ այս խաղացողների համար, սակայն պատրաստ է քննարկել և խաղացողների փոխանակումը
32-ամյա Ասպիլիկուետան պայմանագիր ունի «Չելսիի» հետ մինչև մրցաշրջանի ավարտը, սակայն լոնդոնցիները կարող են ակտիվացնել պայմանագիրը ևս մեկ մրցաշրջանով երկարաձգելու տարբերակը։ Հավանական է, որ «Չելսին» կօգտագործի դա, չնայած Սեզարը խնդրում է նրան բաց թողնել «Բարսա»:
Ալոնսոյի պայմանագիրը «Չելսիի» հետ նախատեսված է մինչև 2023 թվականի ամառ: 31-ամյա խաղացողը չի մտնում լոնդոնյան ակումբի ծրագրերի մեջ, ուստի «Չելսին» պատրաստ է քննարկել նրա տրանսֆերը։
«Բարսան» ցանկանում է որքան հնարավոր է քիչ ծախսել Ասպիլիկուետայի և Ալոնսոյի վրա՝ այլ դիրքերում ավելի թանկ խաղացողներ ձեռք բերելու համար:
«Չելսին» վերլուծել է «Բարսայի» կազմը և եկել այն եզրակացության, որ իրեն կհետաքրքրի 21-ամյա աջ պաշտպան Սերժինյո Դեստի հետ փոխանակման տարբերակը: «Բլաուգրանան» նրան գնահատում է ավելի քան 20 միլիոն եվրո: Բացի այդ, լոնդոնցիները կարող են քննարկել դարպասապահ Նետոյի թեկնածությունը։
«Բարսելոնան» ցանկանում է գործարքները կնքել մինչև հունիսի 30-ը, իսկ ակումբի տնօրեն Մատեու Ալեմանին մի քանի օր առաջ մեկնել է Լոնդոն՝ բանակցություններ սկսելու:
Կատալոնիայում վստահ են են, որ կկարողանան պայմանավորվել Ասպիլիկուետայի ու Ալոնսոյի տրանսֆերների շուրջ։
