«Ատլետիկոն» «չեմպիոնական միջանցք» չի կազմի «Ռեալի» համար։ Այս մասին հայտնել է ակումբը իր պաշտոնական հայտարարության միջոցով։
«Ոմանք ցանկանում են, որ այն, ինչ ստեղծվել է որպես չեմպիոնին ճանաչման ժեստ, վերածել հրապարակային հարգանքի, որը մրցակիցները պետք է վճարեն նվաստացման համար։
«Ատլետիկոն» ոչ մի պարագայում չի պատրաստվում մասնակցել այդ խեղկատակությանը, որում լիովին մոռացության են մատնված սպորտային իրական արժեքները։ Դա նաև լարվածություն ու հակամարտություն է առաջացնում երկրպագուների միջև։
Վերջին տարիներին մենք մի քանի նմանատիպ իրավիճակների ենք բախվել տարբեր տիտղոսներ նվաճելուց հետո, այդ թվում՝ երկու չեմպիոնական տիտղոս, և որոշ դեպքերում մրցակից թիմը հարգանքի տուրք է մատուցել մեր հաղթանակներին, իսկ որոշ դեպքերում՝ ոչ:
Բայց երբեք նմանատիպ չափազանցված ու արհեստական ակնկալիքներ կամ վեճեր չեն եղել՝ համեմատած նրա հետ, ինչ մենք զգում են վերջին շաբաթներին։
«Ատլետիկոն» վերջինն է դարձել Իսպանիայի չեմպիոն։ Ինչ-որ մեկը հիշո՞ւմ է որևէ տարաձայնություն կապված նրա հետ, թե տիտղոսը նվաճելուց հետո մեր առաջին մրցակիցը պիտի՞ մեզ համար «չեմպիոնական միջանցք» կազմի։ Ոչ, որովհետև վեճեր չեն եղել։
Պարտվել իմանալը նույնքան կարևոր է, որքան հաղթել իմանալը։ «Ատլետիկոյում» մենք չենք փորձում որևէ բան փաթաթել ուրիշների վզին։ Ակնհայտ է, որ մենք կյանքն այլ ձևով ենք ընկալում»,- ասվումէ ակումբի հաղորդագրության մեջ։
Թիմերը կհանդիպեն մայիսի 8-ին։
