Լեհաստանի առաջնության 25-րդ տուրում «Պոգոնը» երեկ մրցակցի հարկի տակ 1-1 հաշվով ոչ-ոքի խաղաց «Կրակովիայի» հետ։ Խաղից հետո հյուրերի ֆուտբոլիստ Վահան Բիչախչյանն ասել է հետևյալը․
«Մի փոքր հիասթափված ենք։ Եթե մինչև խաղի վերջ զրոյական արդյունքը պահպանվեր, խաղի նկատմամբ մեր մոտեցումն այլ կլիներ։ Բայց, երբ դու գոլ ես խփում 92-րդ րոպեին, իսկ 3 րոպե անց մրցակիցը հավասարեցնում է հաշիվը, բարդ է։
Մինչև խաղի վերջ հավատում էինք, որ կկարողանանք գոլ խփել։ Այդպես էլ եղավ, բայց հետո մրցակիցը հավասարեցրեց հաշիվը։ Գուցե, մենք բավականաչափ կենտրոնացած չէինք ու այսօր երկու միավոր կորցրինք։ Իրար վրա բարկանում ենք դրա պատճառով։ Այս 3 միավորը մեր գրպանում էր արդեն, զգում էինք դա խաղադաշտում։
Առջևում ևս 9 խաղ, 27 միավոր կա։ Այնպես որ դեռ ամեն ինչ հնարավոր է, այսօր դեռ ոչինչ որոշված չէ։ Պիտի շարունակենք հավատալ մեզ, կենտրոնանալ մեր խաղի վրա ու քրտնաջան աշխատել։ Հիմա կարևոր է հնարավորինս արագ վերականգնվել, եզրակացություններ անել ու սկսել հաջորդ խաղի պատրաստությունը։
Բոլոր հաջորդ խաղերին պետք է վերաբերվել՝ ինչպես եզրափակչի, աջակցել միմյանց ու շարունակել անել այն, ինչ արել ենք մինչ հիմա, որովհետև մտածում եմ, որ մենք ճիշտ ուղու վրա ենք։ Մրցաշրջանի ավարտին մեր այսօրվա վաստակած միավորը կարող է շատ կարևոր լինել։ Վաստակած յուրաքանչյուր միավոր շատ կարևոր է։ Հիմա, երբ մենք այստեղ երկու միավոր կորցրել ենք, չպետք է անհանգստանանք, պետք է ուղղակի առաջ նայենք։ Ֆուտբոլում նորմալ է երբեմն ավելի լավ խաղալ, երբեմն ավելի վատ։ Ամեն ինչ առաջվա պես մեր ձեռքերում է։ Մենք շարունակում ենք պայքարել»,- ասել է հայ ֆուտբոլիստը։