Այսօր «Ուրարտուի» երկարամյա աշխատակից, 44-օրյա պատերազմի ընթացքում իր կյանքը հերոսաբար զոհած Սիմոն Իսրայելյանի ծննդյան օրն է: «Ուրարտուն» Սիմոնի հիշատակին նվիրված գավաթի խաղարկություն է կազմակերպել, որը վիճարկել են «Ուրորտու-վետերաններ« և «Հայկական ֆուտբոլի վետերաններ» թիմերը։
«Ուրարտուն», որի կազմում հանդես են եկել Ալբերտ Օհանյանը, Ստեփան Ղազարյանը, Արթուր Ոսկանյանը, Արամ Բարեղամյանը, Արարատ Առաքելյանը, Սամվել Մելքոնյանը, Նորայր Գյոզալյանը, Կարեն Սիմոնյանը, Իգոր Պադերինը, Կարեն Միքայելյանը, Աշոտ Բարսեղյանը և Սեմյոն Մուրադյանը, հաղթել է 8-5 հաշվով:
Թիմերին գավաթով և մեդալներով պարգևատրել է Սիմոն Իսրայելյանի հայրը` Սպարտակ Իսրայելյանը։
Ակումբի գործադիր տնօրեն Դավիթ Մարտիրոսյանն էլ նշել է, որ հուշամրցաշարը կրելու է ավանդական բնույթ։ Հաջորդ տարիներին նախատեսվում է ավելացնել մասնակից թիմերի քանակը։
