«Միլանը» հետաքրքրված է «Սասուոլոյի» վինգեր Դոմենիկո Բերարդիի ծառայություններով: Ֆուտբոլիստը միլանյան ակումբի համար մեծ գումար կարժենա։ Այս մասին հայտնի է դարձել իտալական մամուլին։
«Սասուոլոն» Բերարդիին կվաճառի առնվազն 30 միլիոն եվրոյով։ Անցյալ տարի ֆուտբոլիստի տեղափոխությունը Ֆիորենտինա գրեթե կայացել էր, սակայն տրանսֆերը ձախողվեց վերջին պահին։
Բերարդին ընթացիկ մրցաշրջանում անցկացրել է 24 հանդիպում՝ դառնալով 10 գոլի և 12 գոլային փոխանցման հեղինակ։