Իսպանիայի հավաքականի գլխավոր մարզիչ Լուիս Էնրիկեն Եվրո-2020-ի խմբային փուլի երկրորդ տուրում Լեհաստանի հետ անցկացրած ոչ-ոքիից հետո մեկնաբանել է թիմի կիսապաշտպան Ֆերան Տորեսի՝ խաղից առաջ ասված խոսքերը։
Լևանդովսկու մասին հարցին իսպանացի կիսապաշտպանը պատասխանել էր․ «Մեզ դա չի անհանգստացնում։ Մեր կենտրոնական պաշտպանները մտադիր են ուտել Լևանդովսկուն»։
« Ֆերան Տորեսը շատ երիտասարդ է, ու դեռ շատ բաներ պետք է սովորի, օրինակ՝ չասել նման բաներ»,- ասել է Էնրիկեն։
Հիշեցնենք՝ Լևանոդվսկին այդ խաղում աչքի է ընկել խփած գնդակով, ինչի արդյունքում Լեհաստանի հավաքականը 1-1 հաշվով է ավարտել հանդիպումն Իսպանիայի հետ։