Հայազգի մասնագետ Գրիգորի Բաբայանը, ով ընդգրկված է ԲԿՄԱ-ի մարզչական շտաբում, բաց և հեռանկարային մասնագետ է, որը համապատսխանում է մոսկովյան ակումբին: Այս մասին ՌԻԱ Նովոստիին ասել է «Տոբոլի» կիսապաշտպան Զորան Տոշիչը:
Ավելի վաղ 41-ամյա Բաբայանը գլխավորել էր «Տոբոլը»։ ԲԿՄԱ-ում մասնագետը կօգնի Ալեքսեյ Բերեզուցկուն, ով Իվիցա Օլիչի հեռանալուց հետո նշանակվեց գլխավոր մարզչի պաշտոնակատար:
«Ես ուրախ եմ նրա համար, քանի որ ես նրան տեսնում եմ որպես մեծ ապագա ունեցող մասնագետ: Նա բաց մարդ է, ես դա հասկացա ընդամենը երկու ամիս աշխատելուց հետո: Ես միայն նրա մասին կարող եմ դրականն ասել, և ԲԿՄԱ-ն սիրում է հրավիրել երիտասարդ և հեռանկարային մարզիչների: Նա նման է Լեոնիդ Սլուցկուն:
Կարծում եմ, որ Բաբայանը կարող է Ալեքսեյ Բերեզուցկու հետ միասին վերադարձնել ԲԿՄԱ-ն իր նախկին մակարդակին: Մենք պայքարում էինք չեմպիոնության համար, ես զարմացա, որ մրցաշրջանի կեսից նա որոշեց տեղափոխվել բանակային ակումբ, սակայն, մյուս կողմից, ես հասկանում եմ, որ նման հնարավորությունը չպետք է բաց թողնել: Այս երկու ամիսների ընթացքում ես տեսա, թե ինչ մարդ և մարզիչ է նա, ուստի ես վստահ եմ նրա հաջողությանը»,- ասել է Տոշիչը։
Տոշիչը ԲԿՄԱ-ի կազմում երեք անգամ դարձել է Ռուսաստանի չեմպիոն: Սերբ ֆուտբոլիստը բանակային ակումբում է խաղացել 2010-ից 2017 թվականներին: Նա նաև խաղացել է ՄՅՈՒ-ի կազմում։
