Իտալական «Սպեցիան» հետաքրքրված չէ Ռուսաստանի երիտասարդական հավաքականի և Մոսկվայի ԲԿՄԱ-ի պաշտպան Նաիր Տիկնիզյանի ծառայություններով: Այս մասին ArmSport-ի հետ զրույցում հայտնեց Հայաստանի Առաջին խմբի առաջնությունում հանդես եկող «Վեստ Արմենիայի» գլխավոր մարզիչ Հայկ Հովհաննիսյանը, ով մարզչական կարիերայի մի մասն անցկացրել է Իտալիայում:
«Լուրը հերքել է անձամբ «Սպեցիայի» գլխավոր սկաուտ Ստեֆանո Մելիսանոն՝ մեր երկխոսության ընթացքում: Մելիսանոն ասաց, որ իրենք դժվարություններ ունեն Եվրամիության քաղաքացի չհամարվող ֆուտբոլիստների գրանցման հետ: Բացի դրանից, հաստատել է, որ Տիկնիզյանը չի էլ եղել իրենց թեկնածուների ցուցակում: Ոչ վաղ անցյալի ֆուտբոլիստը չի բացառում նույնիսկ Դ սերիայից ֆուտբոլիստների ներգրավելը իրենց թիմ` ընդգծելով, որ համարժեք դերակատարում ստանալով և նախապատրաստություն անցնելով, նրանք կարող են աստիճանաբար ինքնադրսևորվել նաև Ա սերիայում»,-ասում է Հայկ Հովհաննիսյանը:
Հիշեցնենք, որ ավելի վաղ ռուսական ԶԼՄ-ներում տեղեկություններ էր տարածվել, որ ազգությամբ հայ ֆուտբոլիստի ծառայություններով հետաքրքրված են իտալական մի շարք թիմեր՝ այդ թվում «Սպեցիան»: