Դորտմունդի «Բորուսիայի» և Անգլիայի հավաքականի կիսապաշտպան Ջեյդոն Սանչոն ամռանը կարող է հեռանալ գերմանական թիմից, հայտնում է Sport1.de-ը։
Աղբյուրի փոխանցմամբ, դորտմունդյան ակումբի ղեկավարությունը պատրաստ է բաժանվել 21-ամյա անգլիացի ֆուտբոլիստից, եթե մի շարք պայմաններ ի կատար ածվեն։ Հաղորդվում է, որ «Բորուսիան» պատրաստ է Սանչոյին վաճառել 90 մլն եվրոյի դիմաց, բայց այն պայմանով, որ ակումբը ժամանակ ունենա նոր ֆուտբոլիստ փնտրելու համար։ Ավելի վաղ հաղորդվում էր, որ Սանչոյի ծառայություններով հետաքրքրված են այնպիսի ակումբներ, ինչպիսիք են «Մանչեսթեր Յունայթեդն» ու «Լիվերպուլը»։
Բունդեսլիգայի ընթացիկ մրցաշրջանում Ջեյդոն Սանչոն 23 հանդիպման է մասնակցել, որոնցում դարձել է 6 գոլի և 9 գոլային փոխանցման հեղինակ։
Սանչոյի գործող պայմանագիրը «Բորուսիայի» հետ նախատեսված է մինչև 2023 թվականի հունիսի 30-ը։
