Ապրիլի 7-ին «Ուրարտուի» դարպասապահ Անատոլի Այվազովը ենթարկվել է վիրահատական միջամտության, որն անցել է բարեհաջող։ Այս մասին տեղեկացնում է ակումբի մամուլի ծառայությունը։
Նշվում է, որ 24-ամյա դարպասապահի ինքնազգացողությունն այժմ լավ է, սակայն մի քանի օր նա դեռ կմնա բժիշկների անմիջական վերահսկողության ներքո։
Մոտ ժամանակներում հայտնի կդառնա Այվազովի ամբողջական վերականգնման համար պահանջվող ժամկետները։ Հավելենք, որ ընթացիկ մրցաշրջանում Այվազովն «Ուրարտուի» կազմում անցկացրել էր 6 հանդիպում։