Պորտուգալիայի հավաքականի գլխավոր մարզիչ Ֆերնանդու Սանթուշը խոսել է թիմի ավագ Կրիշտիանու Ռոնալդուի շուրջ ստեղծված իրավիճակի մասին․
«Նա կպահպանի ավագի թևկապը։ Եթե Ռոնալդուն, որը նվազագույնը օրինակ է հանդիսանում ամբողջ ազգի համար, վիրավորած լիներ մարզիչին, գործընկերոջը կամ Պորտուգալիայի ֆուտբոլի ֆեդերացիային, ապա այդ ժամանակ մենք կմտածեինք այդ ուղղությամբ
Այն ինչ տեղի ունեցավ, հիասթափության պահ էր։ Նման բան կարող էր նաև ինձ հետ պատահել։ Սա մի մարդու հիասթափություն է, որը միշտ ցանկանում է հաղթել, որն իր ողջ ուժերը ներդնում է հավաքականի համար։
Դա տեղի ունեցավ նրա հետ, բայց կարող էր տեղի ունենալ ցանկացածի հետ։ Ոչ ոք չի ասում, որ նա իրեն լավ է դրսևորել այդ դրվագում, բայց մտածել այն մասին՝ Ռոնալդուն կմնա՞ ավագ ․․․ Կրիշտիանուն գետին չի գցել հավաքականի մարզաշապիկը։ Նա պարզապես արտահայտել է իր էմոցիաները։
Կրիշտիանուն առաջինն ընդունեց, որ չպետք է նետեր ավագի թևկապը։ Նա անկասկած կմնա ավագ»,- ասել է Սանթուշը։
Վաղը Պորտուգալիայի հավաքականը կմրցի Լյուքսեմբուրգի հետ։