Աշխարհի առաջին ռակետ Նովակ Ջոկովիչը Twitter-ի իր էջում գրառում է կատարել՝ հայտնելով երկրպագուներին, որ չի մասնակցելու Մայամիի մասթերսին։
«Սիրելի երկրպագուներ, ափսոսանքով ուզում եմ հայտարարել, որ այս տարի ես չեմ մեկնելու Մայամի մրցակցելու համար։ Ես որոշել եմ այս թանկագին ժամանակն անցկացնել տանը իմ ընտանիքի հետ։ Այս բոլոր սահմանափակումների մեջ, ես պետք է բալանս գտնեմ ժամանակի մեջ տուրի ու իմ տանը լինելու համար։ Ես անհամբերությամբ սպասում եմ հաջորդ տարի վերադառնալուն»,-գրել է Ջոկովիչը։
Ավելի վաղ Մայամիի մասթերսին մասնակցելուց հրաժարվել էր Ռոջեր Ֆեդերերը, Ռաֆայել Նադալը, Դոմինիկ Տիմը։
Ենթադրվում է, որ Նովակ Ջոկովիչը կորտ կվերադառնա արդեն մրցաշրջանի գրունտային հատվածում։