«Տոտենհեմի» պորտուգալացի մարզիչ Ժոզե Մոուրինյոն կարող է հեռացվել զբաղեցրած պաշտոնից, եթե լոնդոնյան թիմը ԱՊԼ-ի ընթացիկ խաղարկության արդյունքում չհայտնվի թոփ-4-ում, հաղորդում է Daily Mail-ը։
Մոուրինյոն մեծ ճնշման տակ է «խթանների»՝ Եվրոպա լիգայի 1/8-րդ եզրափակիչում «Դինամո Զագրեբից» դուրս մնալուց հետո։ Հաղորդվում է, որ նրա ապագան որոշվելու է ԱՊԼ-ի արդյունքներով։
«Տոտենհեմի» ներկայացուցիչները որոշել են, որ Մոուրինյոյի հեռացման դեպքում նրանք առաջարկ են անելու գերմանական «Լայպցիգի» գլխավոր մարզիչ Յուլիան Նագելսմանին։
ԱՊԼ-ում 28 տուրից հետո «Տոտենհեմը» 45 միավոր ունի ու 8-րդն է մրցաշարային աղյուսակում։
