«Տոկիո-2020»-ի կազմկոմիտեն, հավանաբար, նոր նախագահ կունենա. հիմնական թեկածուն օլիմպիական ավանի ղեկավար Սաբուրո Կավաբուտին է:Ա յս մասին հայտնել է TBS հեռուստաալիքը: Նա 84 տարեկան է, նախկին ֆուտբոլիստ և Ճապոնիայի ֆուտբոլի ասոցիացիայի նախագահի խորհրդականը:
Վաղը՝ փետրվարի 12-ին, տեղի կունենա կազմկոմիտեի գործկոմի նիստը և, ամենայն հավանականությամբ, որոշումը կկայացվի:
Կազմկոմիտեի գործող նախագահ Յոշիրո Մորին հայտնվել է սկանդալի կենտրոնում, քանզի ասել է, որ մարզական կազմակերպություններում և ֆեդերացիաներում կանանց թվի աճը հանգեցնում է միջոցառումների ձգձգման:
«Կանայք չափազանց երկար են խոսում և նրանցից յուրաքանչյուրն անհրաժեշտ է համարում ինչ-որ բան ասել,- ասել էր Մորին:
Դրանից հետո կազմկոմիտեի ղեկավարը ներողություն է խնդրել իր խոսքերի համար: Նրան դատապարտել են բազմաթիվ կազմակերպություններում:
