Հինգշաբթի օրը Քաթարում տեղի կունենան ՖԻՖԱ-ի ակումբային Աշխարհի առաջնության առաջին հանդիպումները:
Երկրի համար այս մրցաշարը կլինի Աշխարհի առաջնության նախապատրաստման հերթական փորձը։ Հանդիպումները տարբեր մայրցամաքների ակումբների միջև տեղի կունենան Ահմադ բին Ալի և «Էդուքեյշն Սիթի» մարզադաշտերում, որտեղ 2022 թվականին տեղի կունենա աշխարհի առաջնությունը:
ՖԻՖԱ-ի ակումբային աշխարհի գավաթը պետք է տեղի ունենար դեկտեմբերին, բայց կորոնավիրուսային համաճարակը Ֆուտբոլի միջազգային ֆեդերացիային (ՖԻՖԱ) ստիպեց հետաձգել այն երկու ամսով:
Մրցաշարն անցկացվելու է արդեն 17-րդ անգամ՝ սովորական ձևաչափով. վեց ֆուտբոլային կոնֆեդերացիաներից յուրաքանչյուրը մրցաշարին կգործուղի 1 ակումբ, յոթերորդ մասնակիցը կլինի հյուրընկալող երկրի չեմպիոնը: Քաթարում դա «Ալ-Դուահիլն» է, որը գլխավորում է Ֆրանսիայի հավաքականի նախկին խաղացող Սաբրի Լամուշին:
«Ալ-Դուահիլը» «Օկլենդ Սիթիի» հետ խաղում, որը Օվկիանիայի լավագույն թիմն էր, փետրվարի 1-ին պետք է բացեր մրցաշարը, բայց նորզելանդական ակումբը հրաժարվեց մասնակցելուց: Որոշումն ընդունվել է Նոր Զելանդիայում հաստատված կարանտինային միջոցառումների կապակցությամբ: Այսպիսով, տանտերերն ավտոմատ անցան երկրորդ փուլ ՝ քառորդ եզրափակիչ:
Հինգշաբթի օրը «Ալ-Դուահիլը» կխաղա աֆրիկյան մայրցամաքի լավագույն թիմի` եգիպտական «Ալ-Ահլիի» հետ, իսկ մյուս խաղում կհանդիպեն մեքսիկական «Տիգրեսը» և հարավկորեական «Ուլսանը»: Եվրոպական Չեմպիոնների լիգայի հաղթող «Բավարիան» պայքարի մեջ կմտնի կիսաեզրափակիչ փուլում, մյունխենցիների մրցակիցը կլինի առաջին զույգի հաղթողը: Հանդիպումը տեղի կունենա փետրվարի 8-ին: Երկրորդ կիսաեզրափակչում, որը տեղի կունենա նախորդ օրը, կխաղա բրազիլական «Պալմեյրասը»: Օրերս բրազիլական ակումբը դարձավ Լիբերտադորեսի գավաթի հաղթող։
Երրորդ տեղի համար եզրափակիչը և խաղը կկայանան փետրվարի 11-ին:
Մրցաշարի ներկայիս չեմպիոնը անգլիական «Լիվերպուլն» է: Քաթարը երկրորդ տարին անընդմեջ ընդունում է Աշխարհի ակումբային առաջնությունը, հաջորդը կանցկացվի դեկտեմբերին Ճապոնիայում: ՖԻՖԱ-ն այդ մրցաշարից հետո մտադիր է անցնել նոր ձևաչափի `24 թիմերի մասնակցությամբ:
