«Ռեալը» շարունակում է մարզումներն անցկացնել գլպավոր մարզչի օգնական Դավիդ Բետոնիի գլխավորությամբ, քանի դեռ Զինեդին Զիդանը ապաքինվում է Covid-19-ից։
Լուկաս Վասկեսը երեկ կայացած մարզմանը չի մասնակցել։ Իսպանացի վինգերը անհարմարություններ է ունեցել, ու նրա մասնակցությունը Լա լիգայի առաջիկա տուրում կայանալիք «Լևանտեի» դեմ խաղին հարցականի տակ է։
Վասկեսը Ռամոսի հետ մարզումային օրն անցկացրել է մարզասրահում։ «Արքայական» ակումբի ավագը ևս շարունակում է ապաքինումը ու չի մասնակցելու շաբաթ կայանալիք խաղին։
Լուկասը եղել է «Ռեալի» մեկնարկային կազմում վերջին 16 խաղերում։ Նրա բացակայության պարագայում հարձակման գծում կարող է խաղալ Մարկո Ասենսիոն, իսկ պաշտպանությունում՝ Դանի Կարվախալը։ Իսպանացի պաշտպանն ապաքինվել է վնասվածքից։
Հավելենք, որ հանդիպմանը չեն մասնակցի նաև Նաչոն, Ռոդրիգոն ու Ֆեդե Վալվերդեն։ Իսպանացին ապաքինվում է Covid-19-ից, իսկ մյուս երկուսը վնասվածք ունեն։
