Հայտնի է «Մանչեսթեր Յունայթեդի» հայտացուցակը Եվրոպա լիգայի խմբային փուլի 5-րդ տուրի՝ «Աստանայի» հետ Նուր-Սուլթանում կայանալիք խաղի համար:
Հանդիպումը կկայանա նոյեմբերի 28-ին:
ՄՅՈւ-ի գլխավոր մարզիչ Ուլե Գունար Սուլշերը ՄՅՈւ-ի հայտացուցակում միանգամից 10 երիտասարդ խաղացողի է ընդգրկել, որոնք նախկինում ոչ մի հանդիպում չեն անցկացրել անգլիական թիմի հիմնական կազմում:
Նրանք են Դիլան Լևիտը, Լարջի Ռամազանին, Էթան Լեյրդը, Տեդեն Մենգին, Դիշոն Բերնարդը, Էտան Գալբրայթը, Արնաու Պիգմալը, Մաթեյ Կովարը, Դ՛Մանի Բուգեյլ-Մելորն ու Մաքս Թեյլորը:
Հատկանշական է, որ Թեյլորը դեռ 12 ամիս առաջ քիմոթերապիայի կուրս էր անցնում. երիտասարդ ֆուտբոլիստի մոտ քաղցկեղ էր հայտնաբերվել:
Նուր-Սուլթան կմեկնեն նաև Լի Գրանտը, Լյուկ Շոուն, Ակսել Տուանզեբեն, Ջեյմս Գարները, Ջեսի Լինգարդը, Թահիտ Չոնգը, Անխել Գոմեսը, Մեյսոն Գրինվուդը:
