Այսօր կայացավ Vbet ՀՊԼ-ի երկրորդ տուրից հետաձգված «Լոռի»-«Վան» հանդիպումը, որտեղ վճռորոշ եղավ ավելացված ժամանակում «Վանի» խաղացող Էդգար Մովսեսյանի խփած գնդակը:
«Լոռիի» գլխավոր մարզիչը խաղից հետո ամփոփել է հանդիպումը.
«Մենք այսօր ամեն ինչ արեցինք, բացի գոլ խփելուց: Տղաներին մեղադրելու ոչ մի պատճառ չունեմ: Հանձնարարությունները կատարել են, սակայն կան որոշ հարցեր, որ պետք է շտկվեն, բայց մենք սա ասելով ալիբի չենք փնտրում:
Շնորհավորում եմ մրցակցին: Նրանք խաղում էին պաշտպանությունից, մենք պատրաստ էինք դրան: Նրանք իրենց պահերից մեկն օգտագործեցին, իսկ մենք՝ ոչ: Մենք որոշ ոչ ներքին հարցերի պատճառով այլ ոճով խաղացինք. սա այն ֆուտբոլը չէ, որ ցանկանում ենք տեսնել: Մենք դեռ նախապատրաստական փուլում ենք և դեռ շարունակում ենք սելեկցիա կատարել»-ասել է Սոլոմոնովը:
