Հայաստանի Մ-21 տարեկանների հավաքականը ԵՎՐՈ-2021-ի որակավորման փուլի 7-րդ տուրում հյուրընկալվել էր Լյուքսեմբուրգի հասակակիցներին։
Հանդիպման 24-րդ րոպեին մեր տղաները բացեցին խաղի հաշիվը։ Գոլի հեղինակ դարձավ Հովհաննես Հարությունյանը։ Մինչև ընդմիջում տանտերերը կարողացան վերականգնել հաշվի հավասարությունը։ Գոլի հեղինակ դարձավ Սեյդ Կորաչը։
Երկրորդ կեսը շատ վատ դասավորվեց մեր թիմի համար։ Հանդիպման վերջնամասում՝ 83-րդ րոպեին, Նարեկ Քոչարյանը երկրորդ դեղին քարտի պատճառով հեռացվեց դաշտից։ Մեր հավաքականը մնաց 10 ֆուտբոլիստներով։ 89-րդ րոպեին դաշտից հեռացվեց նաև Էդգար Գրիգորյանը։
9 հոգով մնացած Հայաստանի Մ-21 հավաքականը մրցավարի ավելացրած ժամանակի 4-րդ րոպեին գոլ ընդունեց սեփական դարպասն ու պարտվեց մրցակցին 1-2 հաշվով։ Լյուքսեմբուրգի հաղթական գնդակը խփեց Կենան Ավդուսինովիչը։
Մեր հավաքականը 7 տուրից հետո 3 միավոր ունի ու 5-րդ տեղում է։