Միլիոնատեր Գլեն Թեմփլինը ստեղծել է Անգլիայի շաբաթվա ամենաաղմկոտ ֆուտբոլային պատմությունը:
Երեքշաբթ ՝ նոյեմբերի 12-ին, Թեմփլինը ձեռք է բերել ութերորդ դիվիզիոնի «Ռոմֆորդ» ակումբը։ Նույն օրը նա աշխատանքից ազատել է գլխավոր մարզիչ Փոլ Մարտինին և իրեն նշանակել այդ պաշտոնին։
Թեմփլինն այդ մասին հայտարարել է Թվիթերում՝ զուգահեռաբար հայտնելով, որ ակումբի համար նոր մարզադաշտ կկառուցի և ակումբը դուրս կբերի Ֆուտբոլային լիգա (Չեմպիոնշիփ, Լիգա 1 և Լիգա 2 միավորող կազմակերպություն):
Հաջորդ թվիթներից մեկում միլիոնատերը գրել է, որ գնել է 15նոր խաղացողներ.
«Այսօր մենք ստորագրել ենք 15 նոր ֆուտբոլիստների և կենտրոնացած ենք աղյուսակի վերջին տեղից հեռանալու և փլեյ-օֆֆում տեղ վաստակելու վրա։ Ես անկեղծորեն հավատում եմ, որ մենք կարող ենք դուրս գալ ներքևից և վեր բարձրանալ»:
We have signed 15 new players today and will concentrate on getting off bottom place and working our way back up the league this season to playoffs
— Glenn Tamplin (@glenntamplin) 12 ноября 2019 г.
I truly believe we can go from bottom to promotion play offs this season still
COME ON ROMFORD get behind us and let’s do this pic.twitter.com/Rgfcq1BYf4
Թեմփլինի գործողությունները գրավել են անգլիական ԶԼՄ-ների ուշադրությունը։ Sky Sports-ը որոշել է ուղիղ եթերում ցուցադրել «Ռոմֆորդի» գլխավոր մարզչի պաշտոնում միլիոնատիրոջ առաջին խաղը: Նորամուտը տեղի կունենա այսօր։
«Ես գումար չեմ ծախսի աղմկահարույց անուններ ստորագրելու համար։ Այո, ես կարող էի ձեռք բերել ավելի ուժեղ ակումբ, բայց ես սիրում եմ մարտահրավերներ: Կյանքում ես հասա իմ բոլոր նպատակներին։ Իսկ երբ հասնում ես նպատակներին և քեզ ձանձրալի է դառնում, դա վտանգավոր է», – պատմել է Թեմփլինը BBC–ին տված հարցազրույցում։
Միլիոնատերը 47 տարեկան է, նրա հիմնական եկամտի աղբյուրը պողպատ արտադրող գործարանն է, որի ամսական շրջանառությունը կազմում է 5,8 մլն եվրո։ «Ռոմֆորդը» միլիոնատիրոջ երկրորդ ակումբն է, մինչ այդ նա գրեթե երեք տարի եղել է վեցերորդ լիգայի «Բիլլերիքեյ Թաունի» սեփականատերը և մարզիչը:
Թեմփլինը ակումբում ներդրել է մոտ 3 միլիոն ֆունտ ստերլինգ և հրավիրել «Լիվերպուլի» նախկին խաղացողներ Փոլ Կոնչեսկիին և Ջերմեյն Պենանտին: Սակայն այս տարվա սեպտեմբերին միլիոնատերը ստիպված է եղել վաճառել ակումբը՝ երկրպագուների սպառնալիքների պատճառով, որոնց դուր չի եկել, որ Թեմփլինը իր 16-ամյա որդուն դրել է մեկնարկային կազմում։
