Մոսկվայի ԲԿՄԱ-ի հայազգի պաշտպան Նաիր Տիկնիզյանը մեկնաբանել է ՌՊԼ-ի 3-րդ տուրի՝ «Զենիթի» հետ խաղը:
«Զենիթը» սեփական հարկի տակ 2-1 հաշվով հաղթանակ է տարել.
«Երկակի տպավորություններ ունեմ: Մի կողմից ուրախ եմ, որ դուրս եկա խաղադաշտ, իսկ մյուս կողմից՝ արդյունքը լավագույնը չէր: Մեզ մի փոքր չհերիքեց: Ցանկանում եմ շնորհակալություն հայտնել երկրպագուներին, ովքեր միշտ մեր կողքին են: Դա մեզ առաջ է մղում:
Դաշտ էի դուրս եկել առջևի գծին ագրեսիվություն հաղորդելու, պրեսինգի դիմելու համար: Դատելով ամեն ինչից՝ Վիկտոր Միխայլովիչը ինձ մոտ առաջընթաց է նկատում: Ես իմ հերթին պարտավոր եմ արդարացնել այդ վստահությունն ու ամեն խաղին ավելացնել:
Անկասկած, մեր խաղն ուժեղացել է՝ հունիսի համեմատ: Բայց ավելի լավ արդյունքներ ենք ակնկալում, այդ իսկ պատճառով առջևում շատ աշխատանք ունենք անելու»,- Տիկնիզյանի խոսքերն է փոխանցում մոսկովյան ակումբի պաշտոնական կայքը: