«Մանչեսթեր Յունայթեդի» գլխավոր մարզիչ Օլե-Գունար Սուլշերը մեկնաբանել է Եվրոպա լիգայի 1/2 եզրափակչում «Սևիլյայից» կրած 1-2 հաշվով պարտությունը:
«Երբ շանսերդ չես օգտագործում, ամեն ինչ դժվարանում է: Մենք երիտասարդ թիմ ունենք ու այսօր այն ցուց տվեց, որ պետք է սովորի ու կայունություն ավելացնի:
Նրանց դարպասապահը ֆանտաստիկ խաղ ցուցադրեց: Իհարկե, ցավալի է, որ մենք գոլ չենք խփում: Գիտենք, որ ունենք խաղացողներ, որոնք այնպիսի որակներ ունեն, որ կարող են գոլ խփել, բայց սա խաղ է: Երկրորդ բաց թողած գոլի պահը հիասթափեցնող է:
Փետրվարից մենք ֆանտաստիկ խաղ ենք ցուցադրում, բայց այսպիսի խաղերը հիասթափեցնում են: Շատ հետաքրքիր է այս խաղացողների հետ աշխատելը, բայց կարողացանք տեսնել, թե վերջում նրանք ինչպես էին հոգնել: Ոտքերն ու միտքը հոգնել էր:
Անպայման պիտի կատարելագործվենք, եթե ուզում ենք մրցաշարային աղյուսակում վեր բարձրանանք ու գավաթների պայքարում հետագա քայլեր անենք: Ես՝ որպես մարզիչ, երբեք մի մրցաշրջանում 3 կիսաեզրափակիչ չեմ ունեցել: Մենք վնասվածքների շրջան ենք ունեցել, որոշ խաղացողներ շատ են խաղացել: Մենք միշտ ձգտում ենք բարելավել կազմը:
