«Մանչեսթեր Յունայթեդի» նախին կիսապաշտպան Ռայան Գիգզը պատմել է, թե ինչպես էր «կարմիր սատանաների» նախկին գլխավոր մարզիչ Սըր Ալեքս Ֆերգյուսոնը վերաբերվում իր ֆուտբոլիստների հետ։
«Երեք-չորս ֆուտբոլիստ կար, ում վրա Սըր Ալեքսը երբեք չէր բղավում՝ Էրիկ Կանտոնան, Բրայան Ռոբսոնը, Ռոյ Կինն ու Կրիշտիանու Ռոնալդուն։ Նրանք բոլորը մեզ հաղթանակներ էին բերում։ Նրանք անում էին իրենց աշխատանքը դաշտում, դրա համար էլ Ֆերգյուսոնը գտնում էր, որ պետք չէ նրանց քննադատել։
Կային խաղեր, երբ Էրիկը ոչինչ չէր անում։ Գոլ չէր խփում, չէր անում սև գործը, ինչպես Ուեյն Ռունին կամ էլ Կառլոս Տևեսը։ Բայց նա գիտեր, որ վաղ թե ուշ իր մոտ ստացվելու է։ Մենք հնարավոր է նստեինք և մտածեինք, որ Սըր Ալեքսը պետք է նրան մի քանի բառ ասի։ Իսկ հետո Կանտոնան դուրս էր գալիս դաշտ հաջորդ շաբաթ ու խփում հաղթական գնդակն ու հրաշալի ինչ-որ ուրիշ բան անում։ Սա նշանակում է, որ Ֆերգյուսոնը կարողանում էր աշխատել աստղերի հետ։ Նա հոգեբանության վարպետ է, նա կարողանում էր առավելագույնը ստանալ իր ֆուտբոլիստներից»,-Գիգզի խոսքն է մեջբերում Goal-ը՝ հղում կատարելով beIN Sports-ին։