Հայաստանի ազգային հավաքականի ավագ Էդուարդ Սպերցյանը գոլի հեղինակ է դարձել «Ալ-Ահլիի» կազմում իր նորամուտի խաղում։
Ավստրիայում ընթացող ուսումնամարզական հավաքի շրջանակում կայացած առաջին ընկերական հանդիպմանը Ասիայի Չեմպիոնների լիգայի գործող գավաթակիրը անզիջում պայքարում 8։0 հաշվով ջախջախել է Ավստրիայի Ռեգիոնալ լիգան ներկայացնող «Պինցգաու Զաալֆելդեն» ակումբին։
Սպերցյանը խաղադաշտ է դուրս եկել թիմի մեկնարկային կազմում և հենց նա էլ բացել է հանդիպման հաշիվը։ Հայ կիսապաշտպանը մասնակցել է առաջին խաղակեսին, որից հետո ընդմիջմանը փոխարինվել է։
Նշենք, որ «Ալ-Ահլին» իր հաջորդ ընկերական հանդիպումը կանցկացնի հուլիսի 15-ին՝ ուժերը չափելով գերմանական «Հոլշտայն Կիլի» հետ։
إدوارد سبيرتسيان يفتتح التسجيل للنادي الأهلي ⚽
الأهلي 1️⃣ – 0️⃣ بينزغاو سالفيلدين النمساوي#الأهلي_بينزغاو_سالفيلدين pic.twitter.com/c311HtCFIn— stc tv sports (@stctvsports) July 11, 2026
