Հայաստանի ազգային հավաքականի նախկին դարպասապահ Ռոման Բերեզովսկին արձագանքել է «Կրասնոդարի» ավագ և Հայաստանի հավաքականի կիսապաշտպան Էդուարդ Սպերցյանի նկատմամբ սաուդյան ակումբների հետաքրքրության վերաբերյալ լուրերին։
«Ինձ թվում է՝ ավելի հաճելի կլիներ, եթե Սպերցյանը հայտնվեր Եվրոպայում։ Ֆինանսական բաղադրիչը Սաուդյան Արաբիայում հավանաբար ավելի քան գոհացնում է Էդուարդին, բայց չեմ կարծում, որ այս տարիքում նրան արժե այնտեղ գնալ։
Լավ կլիներ ուժերը փորձել եվրոպական առաջնությունում, թեկուզ ոչ ամենաուժեղ ակումբում։ Սաուդյան լիգան փորձում են գովազդել Ռոնալդուի հաշվին, բայց դա այնքան էլ հետաքրքիր չէ։
Չեմ կարծում, որ Սպերցյանն ինչ-որ բանով զիջում է Բատրակովին, պարզապես Ռուսաստանի Պրեմիեր լիգայում նա արդեն կորցրել է խաղային նախկին ազարտը. նրան նոր մարտահրավեր է պետք։ Նա կարող է իր վրա վերցնել անգամ ամենաբարձրակարգ թիմի խաղը, միայն թե համապատասխան ազդակ լինի։
Որպես առաջին քայլ կարելի էր տեղափոխվել եվրոպական միջակ ակումբ, իսկ դրանից հետո, վստահ եմ, Էդուարդը կարող էր տեղափոխվել նաև թոփ-ակումբ»,- Բերեզովսկու խոսքերն է մեջբերում «Чемпионат»-ը։
