🎥 Ո՞վ կլինի համար մեկը. Ստեփան Դեմիրճյանը բացում է հավաքականի դարպասապահների ընտրության փակագծերը

Հայաստանի ազգային հավաքականի դարպասապահների մարզիչ Ստեփան Դեմիրճյանը ՀՖՖ մամուլի ծառայության պատրաստած տեսանյութում անդրադարձել է հայկական ֆուտբոլում առկա մասնագիտական մի շարք կարևոր հարցերի։

Մասնավորապես, մարզիչը խոսել է ազգային ընտրանի հրավիրվող դարպասապահների ընտրության, ինչպես նաև հայ նոր տաղանդների բացահայտման և նրանց վարպետության կատարելագործման ուղղությամբ տարվող աշխատանքների մասին։

Դեմիրճյանն իր խոսքում անդրադարձ է կատարել նաև մարզչական կրթությանը՝ մանրամասներ ներկայացնելով դարպասապահների մարզիչների համար Հայաստանի ֆուտբոլի ֆեդերացիայի կողմից կազմակերպված հատուկ «A» կարգի լիցենզավորման դասընթացներից։

Որպես կարևոր նախապայման՝ ընդգծվել է հայկական ակումբներում աշխատող դարպասապահների մարզիչների հետ մշտական կապի պահպանումն ու շարունակական քննարկումների անհրաժեշտությունը, ինչը թույլ է տալիս հետևել ֆուտբոլիստների առաջընթացին անմիջապես ակումբներում։